書展完咗，動漫節今日都完喇。0靚模要宣傳就要走出去，自己諗方法搵嘢搞宣傳喇。

羅彩玲（Vivian）中午就去咗尖沙咀鐘樓旁邊，「慶祝」寫真集一個星期就賣過五千本喎，哇﹗好勁呀真係﹗

不過活動未開始，現場有職員已經現身，話商業活動唔可以未經申請進行。所以Vivian班師弟妹就惟有將啲易拉架收返埋哂，場面都幾尷尬。

Vivian一出場就比班師弟妹揸水槍狂射，搞到全身濕哂，濕晒就點好呢？咪除衫囉，羅小姐一早着住泳衣top打底，當佢除咗T恤後，豐滿上圍唔好問點解，最後咪又係喺相機前一脫囉。Vivian話係為咗履行承諾，因為一早應承咗「大家」喎。

對於其他模「奇」招盡出，漏M騷NudeBra乜都齊，Vivian就話唔再回應，只係真心建議佢哋拍「動作片」。之後又話自己都有電影傾緊，不過就肯定唔係佢所講嘅動作片，因為自己唔識功夫喎。