城中名媛郭秀雲、榮雪梅及戴妮廷等，前晚往旺角朗豪坊OZone出席「天幕下的名媛聚餐」活動，各人獲頒獎項，其中郭秀雲遲了個多小時才出現，她解釋是不熟旺角，找不到朗豪坊，所以遲大到。

郭秀雲最初與記者談及其15歲兒子的近況時說：「佢好似有興趣讀醫，但同時有藝術天份，哈，可以叫佢第時做整形醫生。」問她贊不贊成整容？她說：「如果第時我70歲，個仔可以整到我變番40歲都好吖！」
其後郭秀雲入正題，透露她早前自行檢查乳房時感到痛楚，遂乘往泰國探望契媽嘉玲之便，往當地有名的康民醫院（BumrungradInternational）進行身體檢查，醫生驗出她發現痛楚的部位是幾粒粉瘤，但同時驗出她乳房有一粒像青豆般大的癌細胞，並即時做手術切除，她說：「醫生喺一個好隱蔽嘅部位開刀，𠵱家已經冇晒事，但係九月要再返去檢查，唉！我今年都係36歲啫，家族又冇遺傳，都有呢樣嘢嘅。」

此外，榮雪梅是活動中衣着最性感一人，她說：「我之前着T-shirt牛仔褲，嚟到現場先換衫咋。」她又透露兒子由於鼻管太幼，所以早前已做了手術。
採訪：EricLam、JessicaNgan
攝影：EricLam