吳忠義（Togi）一封聲明，令司馬燕好友周美鳳擬暫不追究孫君子（Summer）誹謗及騷擾之舉。周美鳳今晚到灣仔福臨門出席保良局慈善晚宴時，重申:「男方(Togi)都有出嚟澄清，都算係一個了結。」

談到有指Togi聲明中頗多隱瞞之處，包括被揭他與Summer於兩年前合組公司，還以兩人的英文名的開頭文字S＆T登記為公司名，兩人關係似並非如Togi所言之「五月開始，九月結束」。

表明「清官難審家庭事」、且遭司馬燕表妹Polly暗中責難「過份關心」的周美鳳，被問及君子與忠義曾合資開公司，她就謂:「唔再評論咁多喇，講番自己好啲。要講嘅嘢已經喺聲明度講晒，唔再評論。」可有跟Togi對方聯絡？周稱:「唔會囉，唔會聯絡。」

可有再相約Togi行山？周美鳳即謂:「更加唔會。」

今次吳家家事被揭，成為封面人物，司馬燕與Togi一對兒子亦為此飽受壓力，周美鳳就稱:「希望傳媒都錫住佢哋，唔好拖佢哋落水，我自己都好掛住佢哋。」但就稱因為有代溝，故沒有主動找兩子。