動漫ComicWorld　盡地一煲

蘋果日報 2007/08/26 00:00

動漫迷一般認為，每年一度的動漫節是他們的年度盛事。不過，今日舉行的ComicWorld24（簡稱CW）才是部份死硬派動漫迷/同人界的重要日子，全年努力都係睇今次。Cosplayer團體V-Project和Balance失意於動漫節，惟有寄情CW盡情表演；同時，今次CW更可能是本地動畫/遊戲製作公司火狗工房結束前最後一擊，如此破釜沉舟一役，點都要捧吓場，睇佢哋做番一場好戲！

記者：葉雪芯　
攝影：楊錦文、伍慶泉
網上被人唱出騷想人讚
另一隊Cosplay團體Balance，今次亦是CW表演者之一。團長阿幽加入了Cosplay行列已經10年，還在2004年開始連續3屆贏得動漫節Cosplay比賽冠軍，甚至被邀請過到外國和內地交流Cosplay文化。早已經打響名堂的她，今年參加CW的心態，反而是想得到同人界認同：「Cosplay界好奇怪，有啲人心理係覺得多隻香爐多隻鬼，比賽贏晒，之後會喺網上討論版唱你，話你啲Cosplay服係買番來。其實自己做啲衫出來咁辛苦，都係想俾人讚靚同你影相。我玩CW，就算無比賽，無贏輸無獎品，DancingShow仲開心，起碼單純畀人欣賞在台上表演。所以今次會全情投入，將每樣道具、服飾做到最仔細。」
empty
■由阿幽帶領的Balance，今次表演漫畫《Bleach》的死神舞台劇。阿幽一再提醒小記，這次的照片只是準備相，不是FullSet。
empty
■玩了十年，阿幽贏了3年比賽，希望在CW表演俾人讚。
失意動漫節組團晒你冷
動漫節係Cosplay迷每年一度的大日子，一定花盡心機，將角色扮到最神似。玩了Cosplay八、九年，28歲的的極樂鳥，一直是動漫節常客，曾經參加動漫節Cosplay比賽，還得過亞軍，算是Cosplay界老前輩。她還將Cosplay的瘋狂感染了媽咪，現在所有的Cosplay服幾乎都是媽媽一手包辦，親手製作，每年的比賽都帶埋媽媽入場幫手打扮。不過，近兩年極樂鳥拒絕再玩動漫節，反而CW才是她的焦點。她說：「我年年都帶埋媽咪入場，大會一直都無問題。前年比賽大會突然唔畀佢入場幫我手，我媽咪講咗一句『唔好勉強』，意思係指『唔入得場就算啦』，點知佢哋誤會咗，以為我哋自動放棄，最後唔畀我入圍。
empty
■一場歌舞表演總共練了1個多月，每星期練兩次，每次最少兩個鐘。
「嗰次我花咗好多心機、金錢去做Cosplay服，點知竟然搞到咁。玩得唔開心，以後都唔參加比賽，不如盡情喺CW玩Show。」難得有機會玩Cosplay，所以極樂鳥更加用盡心機，組成Cosplay團體V-Project表演「Morning娘C-ute歌舞表演」，人數多，她付出更多：「今次我哋去到好盡，雖然Cosplay服的錢唔使好貴，不過因為要排舞又多表演者，呢次係花咗最多時間去練習，希望可以做場好Show畀人睇，畀人知道我哋呢個團體，要打響名堂！」雖然已經行年二十有八，不過她就絕對不會「退休」：「暫時都仲會繼續，玩到有一日無人欣賞我就唔玩，但我唔知呢日幾時會到，所以每次都要當係最後一次！」
empty
■極樂鳥好緊張CW，因為要做場Goodshow，每晚都練到11點幾。
這件《烙印戰士─格烈弗斯》武裝是極樂鳥最揼本之作，花了千幾蚊，用1個月時間完成。不過最後失落於動漫節，令她以後都不再參加比賽，全情投入CW。
empty
empty
■所有小裝飾都要從模型店或漫畫屋買回來再加上去。
empty
■全件武裝用了5種皮料製作。
香港原創Game公司
火狗最後一擊
Cosplayer玩比賽表演，最多花一千幾百，點計都係有限錢。不過，真真正正去創造漫畫角色，製作動畫，搞公司，花的心血金錢時間，條數的確無得計。上月，本地漫畫動畫製作公司火狗工房，宣佈可能會結束，很多Fans極之捨不得。這次CW，火狗工房算是最大參展商，但卻很可能是他們盡地一煲的最後一擊。
曾經好威風，火狗的漫畫得過日本漫畫賞識大獎，打入日本及台灣市場，設計的遊戲《愛神廚房》更被日本遊戲公司睇中，推出過PSP、XboxGame。要結束，老闆彭子傑說出經營8年來沒有人了解的原因：「我咁講你可能唔信，其實經營咗8年，火狗蝕足8年。長年計落大概累積等於太古城一個800呎左右單位的虧損。但我從來無後悔，因為係我的夢想。不過，蝕錢追求的夢想，終有完結的一日。用心唔一定能夠生存，唔以賺錢為前提的生意，這種結局是必然的。」他坦言，9月1日是火狗工房的Deadline，能否繼續下去，還看那天。未必一定會結束，不過若然未解決到資金問題，這次CM會是最後一次與大家見面。為了報答跟了火狗8年的Fans，這次仍會有新貨推出，如極有收藏價值的《火狗工房×CW24官方紀念同人誌》、兩本火狗歷來最受歡迎系列《愛神餐館×緋雪千夜》StickPoster等，一於盡地一煲，全力晒冷！
empty
■訪問當日彭子傑不在本港，正為火狗作最後救亡。此照片攝於03年。
empty
■以往火狗的作品通常是先有Game再出漫畫。但《栽蘭中學》是唯一相反的作品，今次才正式推出遊戲化Game。（單買$48，連漫畫$68）
empty
■漫畫《十五二十》是火狗代表作，當年得過日本外務省國際漫畫賞。第一期推出時賣斷市，至今才翻印，正是Fans補貨機會。$33
empty
■《緋雪千夜》Game$98、遊戲攻略$88
empty
empty
■《愛神餐館×緋雪千夜》StickPoster$48
empty
■《火狗工房×CW24官方紀念同人誌》，集合了火狗8年來的作品成果。（售價約$25-$30）
empty
empty
■《愛神餐館Max》Game$138、
遊戲攻略$68
小克、阿德到場交流
除了有火狗精品和CosplayerShow之外，ComicWorld24今年比較特別的是加設了《海外同人專區》，就連雲南、英國、台灣等地的同人作品都有得睇，而當中廣州同人還會舉行漫畫展覽，看來國內漫畫或會成為一個趨勢！另外，小克和阿德都會到場同Fans交流。問過兩位，佢哋話無特定主題，主要都係同大家傾吓偈。雖然CW規模比動漫節細，但一樣有睇頭。
empty
■小克×阿德交流會，3:30pm開場。
empty
ComicWorld24
日期：8月26日（今日）
時間：12pm-8pm（7pm停止入場）
地點：九龍灣國際展貿中心
票價：$25成人及學生，$15小童及長者
查詢： http://www.cwhk.org