網民發起「上水和你shop」行動，下午3時起，有過百市民於上水廣場邊叫口號邊行街，到了下午4時，商場氣氛依然平和，惟便衣警員突然亮出警棍並制服多人，防暴警亦衝入商場內增援，不少商戶紛紛落閘，防暴警在商場舉起藍旗及狂噴胡椒噴霧，令到場面非常混亂，不少市民及記者無辜中椒。

有市民剛在上水廣場購物，手持一膠袋，更非身穿黑衣，正準備離開之際，慘遭防暴警察噴椒，「我過嚟買嘢，唔知做咩噴到成身都係」，背部及面部都被胡椒噴霧噴中，他形容中椒的皮膚「乸住乸住」，對警察無理施放胡椒噴霧大感不滿。

年過60的黃婆婆目睹防暴警向人群施放胡椒噴霧的瞬間，她形容警方「係咪都走去噴胡椒噴霧」，指該名男士「啱啱買完一大袋嘢落嚟，就俾佢噴到成個背脊同手都紅晒」。黃婆婆亦目擊到便衣警無故衝向人群一刻：「啲𡃁仔當時係行緊咋，乜都冇做㗎」，但隨即被便衣警制服，及後就有防暴警裏應外合，到場增援並再制服多名市民，黃婆婆怒轟警方近日的濫捕行為越來越嚴重、「離晒譜」：「根本之前拉嗰300幾個都係啦，佢哋係乜都冇做㗎根本，唱吓歌嗌下口號咋嘛，見後生就拉」，批評警暴問題十分誇張。

自稱譚譚的婆婆則表示，自己對於警方的濫捕行為早已習以為常，為了保護抗爭者，她在下午3時就到達上水廣場派口罩，又自備了龍角散給在場市民，「驚佢哋嗌口號嗰陣嗌到喉嚨痛」。雖然自稱已經習慣了警方的濫捕，又指自己對於警方的一切行動十分無奈，但譚譚依然非常不齒警方的做法，「放唔放就一件事，係唔係都拉咗先」，指警方濫捕行為「錯晒」。
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568