星洲戰神冼文諾對榜首位置寸步不讓，上周五夜賽其主要對手杜奕率先起孖，一度進佔騎師榜第一位，前者見狀負隅頑抗至尾場，終於埋齋起孖，累積35W追平後者，並以較多亞軍次數重新領導群雄。

昨午（5日）兩大高手在克蘭芝馬場展開新一輪埋身肉搏，結果冼文諾於第七場草地1200米勝出陳瀅旺馬房「諾雅戰士」，今季頭馬36場，復以一W之先壓住杜奕，後者整日座騎不多，最終交白卷未能延續勝勢。

病癒復出至今，冼文諾每個賽日都有馬贏未斷纜，依然是本屆冠軍騎師大熱門。

另一方面，昨午新加坡日馬戲肉第九場英女王二世盃，由澳洲名將薄奇能策騎布隆馬房「最靚仔」大熱勝出，鞍上人替自己加添一項一級賽冠軍。

圖片來源：新加坡賽馬公會