香港現今對無可疑三個字，市民已經聽到慣晒，到底係咪無可疑大家心中有數？

馬場亦如是，今季頭兩次沙田賽事，已一再出現不尋常超快步速，結果益晒啲後上馬包辦三甲。

當中兩匹肇事馬匹「笑傲成功」和「聚才」，被安排於周日（27日）再上陣，用番合理跑法有權回復應有水準。

今季有可疑賽事接踵而來，先有開鑼日（6日）尾場二班1400米「美麗掌聲」（雷神）、「開心好玩」（潘頓）及「聚才」（巴度）。

三大外籍師傅亡命鬥燒（第二段快到20.8秒），亂跑都唔使罰，造就三匹閘前落飛馬，後上包辦三甲。

其後谷草首戰（9日）第六場三班1650米，莫雷拉騎「飛雲騅」慢步速都唔放，結果大熱門跑梗頸四，相隔一周改配蔡明紹肯放即輕勝。

輪到9月13日第二場五班1400米「百寶袋」（陳嘉熙）、「電子傳承」（蔡明紹）及「笑傲成功」（周俊樂），三位華將鬥搶（第二段快到20.92秒），結果益晒一眾後上馬包辦三甲，賽後同樣被問話後冇手尾跟。

周日第二場五班1400米「笑傲成功」，上仗跟前遇到超快步速才輸，熱身後狀態突飛猛進。

周俊樂剛周三（23日）替丁廐「君達星」贏馬，留放有分寸進步明顯，「笑傲成功」可由蟲變龍出冷。

第十場二班1200米「聚才」，開鑼日跑1400米不留兼狂放才熱倒，熱身後縮程跑三戰獲兩冠一亞同程，路程更合適，有望重振雄風。

-----------------------------

邊個話財不入急門？

​需要周轉嘅時候幫到手，先叫做應急囉！

邦民日本財務急你所急，只需要一個手提電話號碼同一張身份證#就可以申請貸款。

新客仲有迎新現金獎高達HK$5,000▲添！

貸款額全數過戶，絕無手續費。

立即申請 : https://bit.ly/2ANcJlS

推廣期由2020年9月1日至2020年10月31日(包括首尾兩天)

須受條款及細則約束，詳情留意邦民日本財務(香港)網頁。

忠告：借錢梗要還，咪俾錢中介

放債人牌照號碼：1140/2019

查詢及投訴熱線：3199 1199