今晚新城頒獎禮真係幾……容易令人產生睡意。巨星如祖兒陳奕迅缺席，大獎又未頒，要等到洪卓立上台拎勁爆男歌手唱歌先至有舞台效果——放煙火可以睇，叫做醒神下。呢啲舞台效果，仲係唱片公司自己俾錢0架。

除咗舞台冇咩醒神嘢睇，就連燈牌都欠奉，暫時最搶眼都係許志安，許廷鏗同新城勁爆躍進歌手張子丰都有，但真係……頗冷清。

至於奪新城勁爆全國偶像嘅鄧麗欣，唔知係咪太緊張喇，竟然——走音。唔知多年以後佢再唱《電燈膽》，會唱成點？

得獎名單（部份）
新城勁爆全國偶像：鄧麗欣、糖妹、白龍
新城勁爆人氣歌手：蔚雨芯、陳明恩、沈震軒
新城勁爆躍進歌手：連詩雅(金)、許靖韻、Crystal(張紋嘉)、顏培珊、葉俊亨、彭永琛、張子丰
新城勁爆新媒體最受歡迎新聲：Lil’Ashes小塵埃
新城勁爆新媒體歌曲：《只要和你在一起》(連詩雅)、《愛我請留言》吳若希、《一》(AGA)