同李麗珍喺劇集《大時代》飾演情侶嘅「大佬孝」邵仲衡，早前再同珍妹合作葉念琛嘅電影《紀念日》，之後兩個人仲保持聯絡。

大佬孝接受《蘋果》電話訪問時，話早一個月都分別同佢哋有聯絡，當時都唔覺佢哋出現問題，佢話：「唔係呀，唔係呀，之前同珍妹幫套戲慶功，之後都有電話、短訊聯絡約佢睇展覽，阿潘都係早1個月喺Cable見到佢，仲去茶餐廳飲茶吹水。珍妹一向都鍾意才子、藝術家，如果屬實，郎才女貌，真係可惜啊。」