升班減10磅唔嘢小!米高鄭為蘇老闆炮製冧莊
蘇志威鄭俊偉杜利萊駿王蘇老闆
人稱蘇老闆的藝人蘇志威愛駒「駿王」,今晨(22日)由杜利萊策騎往大跑道快跳800米考驗,步伐整齊有勁,大馬輕身,肌肉紮實,狀態猶勝上仗贏馬時。
練馬師鄭俊偉不論在人馬出跳前後均在沙圈打點,馬匹出試期間倉主米高鄭在烽火台欄邊個食糊位睇馬,試罷後並捉住杜利萊猛咁咬耳仔,動態積極。
列陣周日(25日)沙田日賽第五場三班1600米草地的「駿王」,上仗贏來猶有餘勁,質新馬方興未艾,今次升班少負上賽十磅,吼準贏馬路程再來,連捷機會不可睇小。