一向有跑馬拉松的劉心悠，下月13日會聯同梁釗峰、馬拉松好手徐志堅及運動員黃浩輝，齊齊參與在北極舉行馬拉松，出戰半馬及全馬賽事。

心悠和幾位跑手日前為活動拍宣傳照，提到要去北極跑步，心悠回想去年在冰天雪地備戰的時候，她說：「上年喺零下三十度嘅朗伊爾城留咗一星期，每日都盡量食多啲嘢保暖同保持體力，好開心今年可以再出戰香港。」

為配合宣傳照，各人均要接受特技化妝，梁釗峰表示好興奮：「完成呢個冰雪造型特技化妝，真係有置身北極嘅感覺，只係跑咗一陣就開始流汗，嚇到化妝師叫我冷靜啲，唔係要重新化過。」講到愛上跑步的原因，釗峰說：「當初為咗唱歌練氣先開始跑步，冇諗過會鍾意咗，就正如當初鍾意音樂，冇諗過會做咗音樂人。」
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》