70年代經典日劇《新青春火花》已故女星坂口良子嘅25歲愛女坂口杏里，近日爆出轉投AV界發展，消息話佢近年沉迷幫襯鴨店，將母親坂口良子留下嘅數千萬日圓遺產早已使清光，更孭上至少500萬日圓（約38萬港元）嘅債務，繼而要接拍AV還債。坂口杏里為求賺快錢，仲有指佢早於今年7月曾到高級架步做小姐。

坂口杏里目前已簽約專拍成人影片嘅MUTEKI旗下，首套AV作品將於10月1日推出，而佢拍AV之外，仲會拍露毛寫真，寫真集將會喺11月4日發行。

最新一期雜誌《FRIDAY》首次公開坂口杏里淪為脫星後嘅露肉相，坂口杏里轉以ANRI名字轉投AV界，文中提到佢係25歲嘅星二代，媽咪好出名，真實身份呼之慾出。其實近年坂口杏里越變越靚已經惹嚟整容疑雲，佢喺呢一輯新相入面個樣再度進化，唔少網民都認為佢再經過大執先投身AV界。