當年今日

隔牆有耳:滑鼠娘娘搞聯署 促德國圍中(李八方)

蘋果日報 2020/09/24 03:55

隔牆有耳李八方滑鼠娘娘鄺頌晴

𠵱家喺德國讀書、外號「滑鼠娘娘」嘅鄺頌晴加入天下圍中之列,連同曾被中國驅逐出境嘅德籍清華大學學生穆達偉David Missal發起聯署,指全國人大強行通過港版國安法,違反《中英聯合聲明》同國際法,國安法更被中國政府利用作為壓迫宗教人士、維權人士、記者和異見人士嘅工具,指國安法將危及4,000名在港德國人以及700間駐港德國公司,面對政治迫害風險同人身安全,仲有在德港人如果公開支持過香港民主運動或者批評中共,都有可能被控分裂國家等罪名。

目標五萬人參與

滑鼠娘娘呼籲德國聯邦政府以實施入境管制、凍結資產等方法制裁中國,如果有五萬人參與聯署,德國國會就會舉行有關制裁中國嘅聽證會。
滑鼠娘娘加入天下圍中,都有被捕風險。佢喺facebook發文話,喺國安法風險下,發起聯署前有掙扎同諗過放棄,但最後決定繼續,「原來輪到你去跳,你真係就自自然然行埋個懸崖邊,望住下面,腳都震埋,但都係默默數1、2、3,然後就跳落去。 所謂嘅義無反顧,唔係唔驚,而係你驚都好,你都去做」。雖然聯署唔可以話必然有用,但希望「窮盡一己之力去為香港做啲嘢」。聯署中文網址:https://bit.ly/2ZZxtAD。
李八方