向華強和向太陳嵐的兒子向佐，今年9月和台灣女星郭碧婷在意大利卡布里島舉行婚禮，原本打算今個聖誕節在台灣補擺喜酒，據知最後因為來不及訂場地，所以婚宴押後到明年2月舉行。

一對新人早前曾參與大陸真人騷《最美的時光》，節目中郭碧婷帶着向佐和幾隻寵物犬到台灣逛夜市吃喝玩樂，郭碧婷本身極愛行夜市，而新任「小向太」郭碧婷甚得向太歡心，向太曾在節目中透露準小媳婦嚮往在夜市停車場辦婚宴，為達成郭碧婷心願，有傳向佐決定和新婚妻子在聖誕節當天，於台灣新北市樹林區興仁花園夜市舉辦婚宴，《蘋果》記者求證向佐，向佐回覆說：「冇可能趕得切喺25號搞，呢個只係坊間傳聞。至於係咪會喺台灣舉辦婚禮，仲要同雙方家長商量，我哋都未正式去諗呢樣嘢，因為好多嘢要處理，不過我同碧婷好鍾意行夜市就係真嘅，隔晚就去行，但同婚禮係兩件事。」

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇