隔牆有耳：政界Super Dad開學日玩感性
譚文豪：仔女行出第一步 林卓廷：要學放手 - 李八方
蘋果日報 2017/09/02 05:20
隔牆有耳林卓廷陳恒鑌譚文豪
噚日譚文豪po咗仔女返學相上fb。
平時立法會唔同黨派嘅議員，可以為唔同問題拗到面紅耳熱，不過對住自己仔女，佢哋自然變番好爸媽。噚日係開學日，八方就搵咗3位爸爸級嘅議員，分享佢哋湊放完長假嘅小朋友返學嘅經歷。
3位議員之中，公民黨譚文豪一對龍鳳B嘅年紀最細，只得3歲，噚日開始返K1。Jeremy話對佢對仔女嚟講返學都係玩，加上有新衫、新書包，對仔女不知幾開心，只係個仔喺早起身上就有少少棘手啫！學校規定頭兩日返學要家長陪住，所以佢噚日變身廿四孝爸爸，連朝早電話訪問都推咗，佢喺fb話5年前嘅9.1，添馬公園舉行反國教大匯演，佢對龍鳳B都未出世，估唔到咁快對B要返學，身為爸爸第一次真實咁感受到仔女行出自己第一步。
輪到民建聯陳恒鑌升小二嘅囡囡，Ben早一個星期前就同囡囡講開學後要做好時間管理，安排好做功課嘅時間，唔可以再成日依賴媽媽，到前晚Ben仲要囡囡早啲瞓，免得朝早唔知醒坐校車。到噚日朝佢亦只係送囡囡上校巴，等佢盡快適應番學，都算用心良苦。
而民主黨林卓廷對仔女就大個好多，大仔喺港島升中一、細女就喺沙田升小五，所以都冇乜好擔心。
3位議員之中，公民黨譚文豪一對龍鳳B嘅年紀最細，只得3歲，噚日開始返K1。Jeremy話對佢對仔女嚟講返學都係玩，加上有新衫、新書包，對仔女不知幾開心，只係個仔喺早起身上就有少少棘手啫！學校規定頭兩日返學要家長陪住，所以佢噚日變身廿四孝爸爸，連朝早電話訪問都推咗，佢喺fb話5年前嘅9.1，添馬公園舉行反國教大匯演，佢對龍鳳B都未出世，估唔到咁快對B要返學，身為爸爸第一次真實咁感受到仔女行出自己第一步。
輪到民建聯陳恒鑌升小二嘅囡囡，Ben早一個星期前就同囡囡講開學後要做好時間管理，安排好做功課嘅時間，唔可以再成日依賴媽媽，到前晚Ben仲要囡囡早啲瞓，免得朝早唔知醒坐校車。到噚日朝佢亦只係送囡囡上校巴，等佢盡快適應番學，都算用心良苦。
而民主黨林卓廷對仔女就大個好多，大仔喺港島升中一、細女就喺沙田升小五，所以都冇乜好擔心。
開學前夕，阿廷寫定封家書畀仔仔。
阿廷朝早冧女 lunch約仔
日前阿廷仲喺fb寫定家書畀仔仔，話仔仔升上中學「現時開始要學會放手」，仲祝仔仔畢業時「不再排骨！」噚日阿廷就安排朝早先同個女食早餐兼送佢返學，中午趁住返港島做嘢就同個仔一齊食。阿廷都算唔話得喇，幾忙都好，仍然抽時間陪仔女開學，又係一位絕世好爸。
李八方
李八方