藝人都走過未紅日子，「宇宙最強」甄子丹都不例外，佢日前自爆事業低潮期，跟朋友消磨時間時學識打台灣麻雀：「講真難聽啲，冇戲拍時學識，冇工開，朋友叫到就去打，搵啲嘢嚟做吓。有輸有贏，上落唔大，千零蚊。」

子丹近年憑電影《葉問》爆紅，拍戲一套接一套，分身乏術，莫講見家人，連瞓覺時間都冇，根本冇時間再坐落麻雀枱，佢話：「呢十幾年，我忙到邊有時間打牌。只係有時老婆嘅外婆嚟香港，有時去蔡太（蔡志明太太）屋企，就一齊消遣打吓。同老人家打，當陪佢哋鬆吓章。我唔鍾意賭錢，買馬仔都係幾百蚊。」

吳京近日嚟香港宣傳主演嘅電影《戰狼2》，記者問到佢同子丹邊個身手好打啲，吳京笑笑口話佢哋應該打麻雀。對於吳京「撩開枱」，子丹即答：「Anytime同佢打。」吳京加子丹想開枱，湊埋都仲爭兩隻腳喎，子丹仲想搵乜嘢腳？佢話：「梗係王晶，佢啲麻雀橋，仲有一隻腳係君如啦，佢成日出貓。」子丹話邊個坐上家下家都冇所謂：「我打牌唔叻。」加上近年疏於練習，子丹話：「