中國人傳統出席親友婚宴，都要用真金白銀作賀禮，稱之為「人情」。今年是結婚好年，不少打工仔陸續收到同事婚宴喜帖，網民brightpp就顯得不知所措，「同事結婚，你哋做幾多錢人情？」綜合多位網民意見，一致認為當今人情公價為500大元。
慘被同事「粉紅色炸彈」轟炸，不管是否出席婚宴都要做「人情」。網民lofans說：「公價500，但早前減人工又凍薪，如果人情可跟市況咁，有得上下調，可以減啲就好。個個月一兩單，其他日子不知點算好。」
「去就500囉！話晒都係同事，第日面左左，俾人唱就唔好。」網民油菠蘿道出了打工仔生存之道，最重要交際手腕圓滑。網民Kerofish則從經濟角度出發，「之前一次去飲做咗500，跟住一次冇去做咗300，覺得唔去都要畀好蝕，下次都係去仲好！」