昨日係復活節假期，好多外國明星都選擇同屋企人過節。好似美國天后瑪麗嘉兒（MariahCarey），就同番已經離婚嘅NickCannon一齊度假，佢哋湊咗一對龍鳳胎Moroccan同Monroe去紐約動物園玩，Moroccan仲着起巴斯光年盔甲，十分得意，瑪麗嘉兒仲充當起大廚，不但整cupcake，又炮製千層面應節。

至於美國青春天后TaylorSwift，就拍咗條自己同細佬Austin係屋企入面搵復活蛋嘅片段上網同大家分享，佢兩個於屋企入面個後園度搵蛋，但鬥出矛招互有拉扯，玩到十分盡興，Taylor仲話自己搵咗近百隻蛋喎！