日前有報道指張柏芝的六十萬平治跑車CLK320，乃黎明（Leon）所送，Leon前晚在北京為ChannelV頒獎禮綵排後，就此事作出回應。
Leon說：「咁講對東東（陳曉東）好唔公平！邊有六十萬Benz跑㗎？二手車呀？送部BMX（單車）就得，點解唔送畀自己而要送畀佢（柏芝）？我不如將啲錢捐畀公益金或者係聯合國兒童基金，柏芝買唔起咩？」

柏芝現況佳
另外，柏芝的父親鬍鬚勇和胞弟張豪龍，前晚在尖沙嘴出席首映，兩父子均否認柏芝的平治跑車是黎明所送。
張豪龍說：「家姐唔鍾意俾人照顧，佢𠵱家情況好好，唔使人扶都可以自己試行。」而鬍鬚勇亦強調柏芝鍾意送禮物多過收禮物。此外，柏芝又一村寓所的看更，昨日向記者表示，柏芝日前出院時仍戴着頸箍。
記者胡比、陳慧安北京直擊