【賭馬講呢啲】「超新星」值第二班 配上雷神難尋敗理（妙瞳）
蘋果日報 2019/09/30 20:20
超新星雷神妙瞳賭馬講呢啲
連續幾日都有朋友問筆者明日（10月1日）是否馬照跑？按客觀資料，示威者早前已在網上呼籲明日到田草「探訪」，依歷來行徑，大多「言出必行」，個人認為機會較大。
然而，就算馬場有示威者，又是否一定跑不成馬？如果他們由未開跑留到散場，差不多近六小時，這次國慶多處有網民號召活動，真的會為一棵樹放棄其他森林？
純粹筆者想法，就算今次或日後有類似情況，馬會也可以隨機應變，譬如今次知道示威者有機會兩點前離開，可否考慮先取消頭四場，然後再隨機應變，情況許可的話，其餘場次照跑？
在這不知何時會結束的非常時期，馬會總要諗辦法盡量令馬照跑，因為很多人靠賽事日薪賺錢。如問苗禮德，他應會說：「今次千祈要馬照跑。」
因為這趟他派出強陣，包括富明星味的「超新星」配雷神出戰第九場三班1400米，前仗於同程最後150米交出驚人爆發力，壓倒今次又同場的「聰明導彈」及「志在四方」兩匹惡爺贏馬，擺明具二班質素，再出同程輸頭馬頭乃運氣使然。
上季「超新星」一出即勝，跑新鮮感更添威力，今次再有雷神助力，補中在望。
至於廐侶、第五場四班1400米「翡翠綠」剛戰田草同程於極快步速下跟前僅敗難度甚高，早前提過該駒與「銀紙」及「高耀智星」一樣，上季獲得苗禮德好評，既然前兩駒今季已贏，老苗應可再兌現「翡翠綠」這張支票。