【三度涉毒】酒井前夫高相祐一難搣毒癮 被判入獄一年
酒井法子高相祐一
日本女星酒井法子入行30年,46歲嘅佢積極洗底,望搣甩2009年爆出毒案嘅負面形象,本月中更會推出售價達19,440日圓(約1,321港元)嘅全新大碟套裝。
反觀酒井嘅49歲前夫高相祐一,09年同因吸毒罪成被判緩刑,可惜多年來佢未有戒毒,上年11月再因藏毒被日本警方拘捕,前後已三度涉毒被捕。
高相祐一毒案今日終有判決,佢於庭上求情表示會入住戒毒設施,希望法官再俾佢機會望能判緩刑。主審法官反指高相依賴危險藥物,決定判佢違反藥物罪名成立,入獄一年。