一面喺度刨馬會網站,喺度諗:點解馬會成日都唔肯開亞洲盤呢?其實只要做到兩邊投注平衡,馬會開嘅1.85水係必賺15%格,成日都唔開啲大眾鍾意嘅玩法,又點打擊外圍呢?
可能馬會想多啲人去買過關飛吧。但好似愛華頓對車仔呢場波咁,如果亞洲盤開車仔讓一球低水,一定大把人落注,因為大家認為最多走盤,點都唔使輸,之後慢慢調低個盤去一球/球半,相信亦會有唔少下盤客會支持,咁嘅情況係平衡到。之但係馬會只開「主客和」同埋讓球主客和,咁嘅情況下,整到啲客唔多敢去落「讓球主客和」,焗住全世界推落普通盤度過關。好,今次決定以車路士客W做膽!