51歲日本女星齊藤由貴紅杏出牆，有不倫前科嘅佢同已婚醫生發展姦情多年，令齊藤由貴形象破產。

身為有夫之婦嘅齊藤由貴揚言會挽救婚姻，日本雜誌《FLASH》上星期就拍得佢獨自駕車到橫濱買餸，見佢一臉愁容，難怪佢日前開咪話自己近排「食龍肉都冇味」。

至於齊藤由貴參演渡邊直美擔正日劇《神奈小姐！》已播出大結局，呢集加長15分鐘收視達10.1%，成績算係有所交代，電視台亦有公開煞科場面，渡邊直美於片場感觸爆喊。