唔經唔覺夏韶聲已經十年冇出新歌，而佢將會喺7月尾推出個人唱片《2020Arrival》，其中推出一千隻特別版，唱片封套嘅高人會雙眼發光，佢今日喺商台宣傳：「封面見到我，其實高人喺上面來，透過我哋凡人既眼睇世界。大家聽晒啲歌去領略意思。」

唱片入面有好多飛行物體相都係佢嘅作品，而《沈睡啟示錄》MV中，佢會帶住面具：「我唔係神，我只係作一啲關於人生嘅嘢，如果佢哋係天外智者，我係利用佢哋透過呢個面具嘅一隻眼去講嘢，所以呢個面具先係主角。」除咗孫女有聲演《緣滅緣起》，孫仔有份喺MV出現，孫仔睇番驚訝笑話:「what's happening，Why?」