時代嘅變遷，BL（男男戀）劇情由昔日禁忌逐漸變得大眾化，觀眾亦越來越接受男男情節，亦對BL題材已不再大驚小怪。

今個星期六開播嘅全新日劇《大叔的愛》，因年前拍成單元劇掀起不少話題，今次以連續劇形式添食就更加冇辦法唔受外交注意。劇中33歲直男主角一直欠缺女人緣，相反卻成為同志獵物，唔止被擁有少女心嘅55歲上司暗戀，就連25歲嘅男同事兼室友都投懷送抱，繼而在公司內發展男男三角關係，劇組昨日再公開一眾要角嘅獨立人物海報，尤其留鬍鬚MAN味十足嘅吉田鋼太郎飾演少女心上司，海報上呈現出嘅「反差萌」成為劇集亮點。

吉田鋼太郎最近以劇中角色身份開Ig帳號，入面都係佢偷拍男主角田中圭嘅照片，圖中說明更充滿少女心，劇集未開播已獲網民力撐「大叔之愛」。

精選娛聞，喺晒《娛果》
http://fb.com/appledailyent