魏秋樺今日喺荔枝角同亞視一班比較「後生」嘅藝員(即係完全講唔出名)，為亞視529台慶一個跳舞環節綵排。亞視本身已經冇乜藝員，但仲玩雪藏，秋樺姐話：「呢個圈係圓嘅，自己同亞視冇任何合約，好似老情人咁，唔使一紙婚書。」唔簽婚書反而仲好呀，幾時走都得唔使賠又唔使俾人雪呀嘛。講番亞視台慶仲有乜嘢睇，勁呀，仲有一把久違了的聲音——蔣嘉瑩，即係唱《我和殭屍有個約會2》主題曲嗰個呢，會重踏台板獻唱0架!

越南最近發生排華，但亞視仍派藝員到危險地拍攝，秋樺姐話自己80年代時都在越南做生意，排華一直都有，但相信越南政府可以控制到局面，亦唔覺亞視此舉安排係罔顧藝人安全喎。