冠軍球手衣錦還鄉，不少街坊經過都頓足觀望，「你係唔係啱啱贏比賽？係你啦，睇電視似係你。」他一臉靦腆諾諾應道。訪問時陣雨不斷，避雨時有球迷趨前合照，他雖笑得僵硬也來者不拒。開始習慣旁人凝視的眼光？「越嚟越多人留意你嘅一舉一動，壓力無論係生活同球場都一定有，做每一樣嘢都要好小心，冇得唔習慣啦。」畢竟只是個23歲的大男孩，直腸直肚，說順了口一時興起，公關擋也擋不住，「我嘅性格係好隨便架」「係隨和呀」「是但啦，都一樣啫，哈哈。」

儘管要合照者眾，但私底下的李卓耀不愛拍照，手機怎也找不到一張人像照，反倒是老家的相薄齊齊整整，一本一本叠在櫃子中。李卓耀自16歲搬入體院後甚少回家，久違了的母親這天一路翻閱舊照，說了不下數次「我都係鍾意你BB多啲，真係超可愛。」李卓耀童年古靈精怪，拍照「甫士」層出不窮，聽着母親回憶舊事，李卓耀時而閉眼狀甚無奈，但又難掩雀躍之情急要分享，兩人關係實在似朋友交流，「佢話紋身好唔好，我話吓？唔好啦！釘耳都唔好，染髮都唔好，佢會問咗我先嘅，但佢都整咗返嚟都冇計啦。」「嗱，我話咗啦，佢真係好長氣。」為人母的囉嗦，為人子的怕麻煩，這是定律，過去卓耀一直不欲母親入場觀看比賽，怕她賽後嘮叨評價，今次殺入決賽，母親終獲批准放行，「去到現場見到好多人支持佢，睇到佢成長好多，每一次都進步好多。」她不忘補充，「佢乖嘅，真係乖。」

成長其實充滿烙印，李卓耀說小五時同學的八達通跌入他的書包，他當作天降橫財，夥同另一同學以此卡買小食，「我仲話好嘢唔使錢。」翌日他把八達通交還同學，對方發現儲值額有變，驚動老師見家長，他以為小事一椿，父親到校卻二話不說，「佢話報警啦，偷嘢吖嘛，咁就報警啦。」不過是買些零食，卻落得如此收場，「當日係畢業禮要上台攞獎，但攞獎前我喊，心諗死啦大鑊喇，冇諗到買啲嘢食會搞到咁大件事。」

提起童年往事他猶有餘悸，連說深刻深刻，「撞板幾次後，做嘢真係會諗清楚後果」，那個一聞報警即呱呱嚎哭的卓耀，怎料到十多年後，舉起六隻手指會惹來一國千夫所指，但今次小夥子長大了，做了當做的事，說了該說的話，又有何所懼？

記者：洪量丰
攝影：何量鈞、王子俊

--------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
--------------------
【撐學生】召集有心人 撐學生全年睇《蘋果》
立即按此
--------------------
《體蘋果》陪你睇波講波
https://www.fb.com/appledailysports