阿嬌鍾欣潼嚟緊18號就會同有「醫界王陽明」之稱嘅賴弘國正式喺香港簽紙註冊結婚。不過呢位準賴太，最近上由大S徐熙媛主持嘅大陸節目《Beauty小姐》嗰陣，就彈未來老公冇taste之餘，仲爆佢不時會發小脾氣添。

阿嬌今次上大S嘅節目，除咗講吓保養心得外，嚟緊將會成為賴太嘅佢，被大S問到結婚嘅禮服喺自己定係未來老公揀、又抑或係兩人一齊揀嘅時候，阿嬌就表示有一齊去揀，但佢就話賴弘國揀嘅都好醜樣，搞到大家都忍唔住笑。

之後阿大S又問到佢同賴弘國之間，若有意見分歧嘅時候會點處理，阿嬌就話自己係一個唔鍾意鬧交嘅人，不過就爆老公並唔係：「有時候他的小情緒上來了，我會避免了那場吵架，就會用另外一個方式去安撫他。」大S就問佢係咪用嗲功，抑或其他方法時，阿嬌就話：「就是哄他，我以前是不會的。」然後佢又補充：「我有時候買東西，會看我旁邊那個人的眼神，因為他有說過『你買包不看價錢？』，我說『沒有啊』」，大S即時笑住問阿嬌係咪真係唔睇價錢，跟住阿嬌就話：「不是，因為我喜歡的牌子是比較貴，但我是用自己的錢，我覺得我那麼辛苦努力賺錢，但……現在會顧慮到他的感受，我就不敢買。」

跟住大S就話見到阿嬌咁nice咁溫柔，都應該鬧唔落交，點知阿嬌就爆出一句：「主要是我國語不太好！」，咦！咁即係講廣東話的話，可能會發生大戰？

雖然阿嬌咁溫柔體貼，不過好多網民睇完就替阿嬌不值，紛紛留言話「花自己的錢買包有問題嗎」、「為什麼要這麼卑微啊」。

精選娛聞，喺晒《娛果》
http://fb.com/appledailyent