中環在線：
呂志和外孫入嘉華親力親為 - 李華華
蘋果日報 2017/11/20 00:00
又有大孖沙第三代高調見人！講緊嘅係嘉華（173）主席呂志和嘅外孫仔鄧宇聰（Eugene）。呂志和講過，呂氏第三代即使加入嘉華集團工作，都要由低做起慢慢了解公司運作，Eugene當然走唔甩，佢家陣title係嘉華（中國）商務發展策劃副總經理，唔講真係唔知佢係富三代！
嘉華上星期有個上海地產項目考察團，鄧宇聰做咗一日導遊，無論健身室、飲食店、樓盤，佢都熟書，做晒功課。
30歲出頭、未婚嘅鄧宇聰，13歲就去咗美國讀書，畢業於巴布森學院（Babson College），獲企業家精神及經濟雙學位，呢間大學以企業家教育聞名，鄧宇聰似乎一心一意要學公公做企業家喎。佢畢業後曾於摩根大通、四大會計師行羅兵咸任職，6年前返去嘉華工作，被派駐上海。
嘉華上星期有個上海地產項目考察團，鄧宇聰做咗一日導遊，無論健身室、飲食店、樓盤，佢都熟書，做晒功課。
30歲出頭、未婚嘅鄧宇聰，13歲就去咗美國讀書，畢業於巴布森學院（Babson College），獲企業家精神及經濟雙學位，呢間大學以企業家教育聞名，鄧宇聰似乎一心一意要學公公做企業家喎。佢畢業後曾於摩根大通、四大會計師行羅兵咸任職，6年前返去嘉華工作，被派駐上海。
鄧宇聰上星期做導遊，帶咗上海地產項目考察團一日。
派駐上海 學識煲冬瓜
咪以為佢喺美國讀書多年，中文唔掂，原來佢操得一口流利普通話，佢話都係learning by doing（邊做邊學），普通話係去到上海先慢慢學。
喺嘉華默默耕耘6年後，鄧宇聰開始有成績，佢主力創立嘅服務式公寓品牌「尚臻」，今年喺上海同香港連開3個項目。鄧宇聰希望將尚臻打造成一個國際品牌，未來會積極物色海外物業，收購後改建。佢話鍾意參與項目每個細節，好似今年中正式開業、位於天后嘅「尚臻維港」，就由佢親自設計傢俬擺設。
喺嘉華默默耕耘6年後，鄧宇聰開始有成績，佢主力創立嘅服務式公寓品牌「尚臻」，今年喺上海同香港連開3個項目。鄧宇聰希望將尚臻打造成一個國際品牌，未來會積極物色海外物業，收購後改建。佢話鍾意參與項目每個細節，好似今年中正式開業、位於天后嘅「尚臻維港」，就由佢親自設計傢俬擺設。