七旬淫伯覷準中度智障的唐氏綜合症女子反抗力低，趁她被獨留公園涼亭時，以汽水作餌示好，繼而在其他街坊眾目睽睽下連番非禮唐氏女，包括揸胸、摸大腿，及捉著她的手摸他私處。老伯今承認非禮罪，裁判官怒斥他「衰下流賤格」、「特登揀啲咁嘅人」犯案，質問：「你試下你老婆俾人咁樣非禮？你揼死佢添呀！」淫伯被判即時監禁半年。

被告李天才（74歲）認罪後未及求情，主任裁判官吳蕙芳已將他即時還柙，指着犯人欄稱：「阿伯自己行入去！」當值律師求情指，被告認罪顯示悔意，亦知案件嚴重，知道事主屬精神上無行為能力人士。吳即表明這是加刑因素：「佢特登揀啲咁嘅人，智商低、唐氏綜合症，一睇就睇到。」

辯方續指，被告無案底及有良好家庭，吳官突然插嘴謂：「衰下流賤格吖嘛佢？」辯方無言數秒後，稱被告絕對做錯。吳官再發炮：「你試下自己咁樣俾人非禮？你試下你老婆俾人咁樣非禮？佢（被告）揼死嗰個人添呀！」吳官以監禁9個月為量刑起點，因被告認罪，按例減至6個月。

案發於去年11月12日，案情指37歲女事主X由爸爸帶到土瓜灣海心公園，晚上8時許爸爸有事離開，獨留X在公園內，當時X對面有一對夫婦在欣賞歌舞。

未幾，被告步近並給一樽X可樂，再捉X的手摸他下體兩至三分鐘。被告其後揸X胸部，又搭其膊頭，再伸手入X褲內摸她大腿。現場夫婦目擊並上前質問被告，其間X父回來，事件報警處理。被告在警誡下最初否認犯案，後來稱知道事主智障，他只是喝多了酒，僅把手搭在事主肩膊。不過，案發經過已被附近的閉路電視拍下。

【案件編號：KCCC185/19】
記者伍嘉豪

---------------------------
4月30日 10am-11pm 
玩《MINI GAME大挑戰》
贏取「獅球嘜白松露香味芥花籽油」2支
https://bit.ly/2WigzsG  
---------------------------
星期一至五晚上10點半
《動腦Q》Let's Q the money！
http://bit.ly/2QW8LcI