【噚日聽到起雞皮】趙學而歡迎許志安加盟主持 羅敏莊怕冇得撈
蘋果日報 2020/06/16 20:20
許廷鏗許志安主持羅敏莊趙學而
（右圖攝影：羅慧敏 ）
羅敏莊、趙學而與駱振偉今天於九龍灣為ViuTV音樂節目《Chill Club》錄影，提到昨日許志安復工後首次上他們的節目，大家都十分回味，學而更形容安仔狀態非常之大勇，她說：「全廠人聽完佢唱歌簡直係拍爛手掌，我諗喺呢段時間佢有好足夠嘅休息，同埋有做運動，把聲控制得好好，聽到起晒雞皮，好感動。」羅敏莊亦爆後台有和音聽完安仔唱歌感觸落淚，而自己聽到安仔指太太鄭秀文叫他準備好面對新工作，她也很感動，並感到安仔已很ready，昨天表現完美，而3位主持更期望下次能夠與安仔合唱，他們又指安仔表示有看《Chill Club》，令他們非常開心，更期待安仔下次再上他們的節目，歡迎他一同做主持，羅敏莊笑說：「佢嚟咗我冇得撈喎，哈哈！其實好開心佢用咗我哋呢個平台做咗come back嘅第一次。」
許廷鏗（Alfred）擔任嘉賓今天獲邀擔任節目嘉賓，首次上此節目的Alfred，在節目中唱出他在《Chill Club》推介榜的榜首歌曲《無力感》，他大讚節目提供了一個很好的平台予歌手，令更多人能夠欣賞不同音樂人的高質音樂。Alfred透露後日會舉行網上音樂會，今次挑選了10多首金曲獻唱，他說：「今次會唱自己同其他歌手嘅歌，包括吳雨霏、王菲同陳奕迅。」有否揀傳不和的胡鴻鈞歌曲？他說：「今次揀唔到，可能有版權問題，你知㗎啦……我主力唱新公司嘅歌，希望呢啲歌可以成為經典。」
提到武漢肺炎疫情稍為緩和，問到Alfred有無打算舉行實體音樂會嗎？他說：「其實第一次紅館騷之後已不斷入紙，不過因為疫情關係，總之一獲批檔期就開，唔想隔太耐。」
採訪、攝影：羅慧敏
-----------------------------
羅敏莊（右）及趙學而等大讚昨日許志安的演出。
許志安昨日做《Chill Club》嘉賓。（資料圖片）
許廷鏗對於能在ViuTV節目中演出，大讚節目提供了一個很好的平台予歌手。