【本報訊】漫遊數據陷阱處處，連專門開發手機軟件的IT人李先生也中招。早前李先生與女友到越南旅遊，出發之前已預先到one2free門市申請當地漫遊數據日費計劃，「喺越南用手機無限上網，日費$168，職員幫我填表」。
逗留越南三天，李和女友放心用手機上網及收發電郵，回港卻被徵收$44,515漫遊數據費。one2free指因他未有填寫「開通DayPass」申請表格，故按數據用量逐KB收費，「表格係職員幫我搞，消費者根本唔知要填幾多份申請表；幾經爭取，佢話酌情減至8,000蚊，我認為減收都唔合理，拒絕接受」。
one2free回覆，李先生到門市只申請了IDD長途電話及漫游服務，未有申請數據漫游單日通行證服務，故以當地正價的數據漫遊費用計算；經本報跟進事件後，最終只收取三天日計漫遊費共504元。

查清楚是否覆蓋

香港資訊科技商會會長方保僑指不少漫遊數據費爭議均是「口同鼻拗」，消費者難以證明自己沒上網：「消費者最佳自保方法當然係唔上網就熄咗數據漫遊，上網就預先登記定日費計劃，或者去當地買張數據電話卡。」他提醒登記日費計劃時要先查清外遊或途經的國家是否在覆蓋範圍內，否則仍會被徵收高昂數據費。