【全球得一個人啱着】姬嘉鐸老公着Tee晒命:我老婆係神奇女俠
神奇女俠Gal GadotWonder Woman姬嘉鐸Yaron Versano
32歲以色列女星姬嘉鐸(Gal Gadot)主演電影《神奇女俠》(Wonder Woman)叫好叫座,全球票房已達至5億美元(約39億港元),更令姬嘉鐸成為全球男士心目中嘅女神。
不過女神早已被私有化,姬嘉鐸與老公Yaron Versano喺2008年結婚,仲先後生咗兩個囡囡,Yaron有個索老婆恨死唔少男士,佢早兩日就再po相晒命。
Yaron於相入面着住一件有兩個圖案嘅黑色T恤,左邊圖案係一個女廁標誌公仔,寫住:「你的太太。」另一邊就係一個神奇女俠圖案,仲寫住「我太太」字句,姬嘉鐸都有入鏡仲指住個神奇女俠圖案。
姬嘉鐸老公着住印有「我太太係神奇女俠」嘅T恤晒命。