今年中超刮起一股歸化兵風潮，廣州恒大同埋北京國安都購入咗有中國血統嘅球員，為未來歸化做準備。而噚日中國足協就公佈咗多達23條嘅《入籍球員管理暫行規定》，最緊要幾點當然係「學中文、了解國情、學國歌、識國徽、認國旗」。新規定噚日出台，今日為北京國安踢地標戰嘅其中一位歸化兵李可已經喺賽前高唱國歌，真係厲害了我的國！

今季中超臨開季前，中國足協忽然頒布命令，指一眾歸化兵唔可以喺中超頭兩輪上陣。而今周第三輪開始之前，足協就發佈《入籍球員管理暫行規定》，當中規定嘅第五章、第20及21條就指出球會要對歸化球員進行「中國傳統文化教育」，令球員「了解中國歷史及現實國情」，「培養愛國主義情懷」，當然仲有認識「黨的歷史、基本理論的普及教育」。明顯就係要一眾歸化兵了解國情，盡快融入國家。

而今日中超上演嘅「北京打吡」北京國安鬥北京人和，25歲嘅前阿仙奴青訓產品李可就終於為國安上陣，呢位母親係中國人嘅中場，過去廿幾年嘅人生都喺英國生活、講英文，甚至代表英格蘭青年隊。殊不知，今日賽前奏起中國國歌，鏡頭已經見到李可好流利咁唱出國歌，認真犀利。雖然李可地標戰表現唔錯，助攻助守仲差啲交出助攻，不過都有網民話，李可今日賽前嘅表現，比佢落場嘅表現更加精彩。

-----------------------------
免費訂閱《蘋果動新聞》， 無懼霸權橫行！立即登記！
https://hk.adai.ly/bXz2v29BrV
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV
--------------------
係你！打造星級球隊，征服各地聯賽！立即加入『BFB CHAMPIONS 2.0』！
http://bit.ly/2BUtLvW
--------------------
《體蘋果》陪你睇波講波
https://www.fb.com/appledailysport