48歲美國歌手「籮霸」珍妮花洛庇絲（Jennifer Lopez）原籍波多黎各，早前當地受颶風影響，造成多人死傷。幾日前籮霸仲表示自己仲未聯絡到幾位家人，情況令人擔心，不過佢依然積極參與救災工作，並宣佈捐出美元1百萬（約港幣7.8百萬）救災：「我同好多人一樣，嘗試搵出幫助當地嘅最佳方法，波多黎各需要我哋嘅幫助，我請大家支持同捐款重建當地。」早前更有報導指，佢親自打電話俾好多名人同圈中好友，請佢哋一同捐助予波多黎各。