日本女星篠原涼子曾經係收視保證，可惜近年主演嘅劇集接連仆直，其擔正嘅富士電視台重頭劇《民眾之敵》收視更慘不忍睹，就算有搶手男星高橋一生同埋AKB48前一姐前田敦子合演，但噚晚播出嘅第八集更跌至5.3%平均收視，隨時取代西內瑪利亞成為史上最低收視嘅「月9」劇女星。

由西內瑪利亞主演嘅富士「月9」劇《也許很突然，明天我要結婚了》今年初播出時收視插水，當時第六集錄得5%成為最低收視「月9」劇，令原本備受力捧嘅西內瑪利亞事業陷入低潮，還傳出引退及掌摑事務所社長等消息。

至於安排在同時段播出嘅今季劇集《民眾之敵》，開播時只得9%收視，之後一直徘徊在單位數收視分別得7.1%、7.5%、7.6%、6.9%、6.5%、5.8%，最新一集更跌至5.3%，追貼《也許很突然，明天我要結婚了》嘅5%史上最低收視「月9」劇，令篠原涼子或取代西內慘封收視毒藥。

更多娛聞，喺晒《娛果》
http://fb.com/appledailyent