勞基梳爾家陣喺曼聯已經無乜機會上陣，最多只係有得踢下英格蘭聯賽盃咁，不過呢位英格蘭左閘似乎唔係諗緊點樣可以令自己做番紅魔鬼一隊嘅球員，而係諗緊幾時可以再幫普捷天奴踢波。

勞基梳爾喺一本由西班牙足球記者巴拉基所寫、關於熱刺領隊普捷天奴嘅書幫手寫序章：「普捷天奴喺修咸頓係成就咗唔可能嘅事，我哋係當時英超最好嘅其中一隊波，我真係希望有朝一日可以再幫佢踢波，我估佢都係咁諗。以前普捷天奴成日叫我做阿囝，咁已經證明我哋關係有幾好。我嘅球員生涯有好多起跌，但係同普捷天奴一齊果陣，就只係有起無跌囉。」