本地外傭供應受疫情影響大幅減少，近乎沒有外傭由海外來港工作，令本地外傭現時有價有市。有僱主於無選擇下，惟有續聘曾偷竊外傭；另有僱主遭即將完約外傭兩度開天殺價至月薪八千，「依加工人可以向老細提出咁多要求，而老細係冇任何還價嘅條件！」除了請「姐姐」難，自外傭群組爆發後，僱主更因家中外傭假期外出聚會而擔驚受怕，批評政府未有向僱主提供協助。

記者：趙媛媛 周子惇

女僱主Cath透露年初外傭約滿，打算商討續約時，發現外傭曾在家偷竊。一心更換外傭的她，走訪逾十間中介公司不果，「屋企有兩個小朋友，仲有個老人家，疫情下真係好難搵到新工人肯接手。」惟有與外傭續約，在家安裝閉路電視自保。

另一僱主林生一家五口與外傭兩年來關係融洽，「佢（外傭）都有話畀人知做得好開心，同我哋係一家人。」今年3月商討續約時，外傭亦爽快答應，怎料她到入境處辦工作簽證後，態度180度轉變，改口不續約。現時外傭最低工資4,630元，「佢話出面市場價叫到八千，問可唔可以畀到六千蚊。」林懷疑是同鄉教路。

林最初拒絕加薪要求，惟考慮到與妻子要工作，無法照顧3名小孩，終答應加薪，「點知工人姐姐一口拒絕咗，好堅定嘅，因為原來佢同人傾咗新合約！」外傭指除非加薪到八千，否則不考慮續約，林再度拒絕，「我點知應承畀八千你之後，你會唔會又要求我畀一萬，（網上指）出面個叫價去到萬三喇喎，會唔會好似無底深潭咁加落去。」惟外傭拒絕續約後便開始「玩嘢」，「朝早要洗車但佢唔洗，要8點起身又瞓到9點，我老婆煮埋畀佢食，佢都燶晒口面。」

林又坦言，自「外傭群組」爆發後，擔心外傭假期外出與同鄉聚會，或會增加染疫風險，林太曾勸外傭留在家中，惟其堅持外出。其後，林生開出條件，「你出去唔緊要，返嚟要即刻去廁所沖涼，清潔好晒先，另外煮飯時都要戴返口罩，我哋唔再同枱食飯。」又承諾假日留家不用工作，再另包三餐，外傭最後答應假日不再外出。

疫情令林的收入大減，由月入兩、三萬元到只得數千元，經濟拮据，無法負擔外傭「天價」薪酬。原為體育教練的他，現時所有訓練班均須暫停，頓失生計。就連其開業15年，專門製作獎牌的公司亦面臨結業，「今年到依加，加埋嘅生意額唔超過五千！」他惟有轉做裝修散工及做GOGOVAN司機。

林走訪多達五至六間中介公司，又發現不少網民指有中介「出古惑」騙取中介費，感到非常憂慮，最後他於8月中聘得一名剛完約外傭，起初叫價薪酬6,000元，其後成功「還價」至5,500元，預計辦妥簽證後，新外傭便可入屋工作。惟他坦言擔心新外傭「做兩日、三日，可能最長做一個月就話bye bye（辭職）。」

林鄭一直強調同心抗疫，林批評「成日同我哋講話同甘共苦，咁樣落去係死路一條呀！」促政府處理外傭坐地起價問題，「會唔會同菲律賓政府、印尼政府溝通吓，做多少少檢測，放寬少少畀多啲姐姐入嚟；又會唔會可以本地立法臨時設一個（薪金）上限，唔好畀佢哋任意去叫價呢？」

-----------------------------

你敢爆，我敢獎！ 立即WhatsApp 《蘋果》24小時爆相爆片熱線 或致電：63836568

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！