【29+1報喜】龔嘉欣大馬開火鍋店 斥資七位數考驗成長
蘋果日報 2019/12/05 13:02
龔嘉欣大馬火鍋店
(IG圖片)
今日30歲生日的龔嘉欣，在Instagram公佈在吉隆坡升呢火鍋店老闆娘，向來喜歡下廚的她這次正好大派用場，可以將港式火鍋帶到大馬。龔嘉欣今日在IG說：「今年生日簡單平淡，但感覺幸福快樂，我可以繼續追自己的夢，迎接一個又一個充滿挑戰的角色，亦在人生上踏出一大步，之前有一刻我突然在想，原來我除了當演員甚麼都不會......然後就有了個想法，膽粗粗找了一個在香港當飲食的朋友，一起衝出香港......一間店從裝修、想食譜、下廚房、研究湯底、丸、餃子，到買餐具、set up等等， 所有東西，確實不容易，是完完全全不一樣的層面，但這給到我另一方面的成長，感恩現在的我，還有機會去學習去體驗，去開闊自己的路......眼前這一切是意想不到，以後或許也會出現很多的不可能，但我相信只要有一份堅定的心，我是可以做好來的！(最後要補一句生日願望，就是希望大家都身體健康）」
龔嘉欣最近與一位香港朋友一齊在吉隆坡開火鍋店，她斥資了七位數資金做老闆娘，龔嘉欣今日接受傳媒訪問時說：「朋友本身喺香港有開火鍋店，佢好多地方都有分店，咁啱馬來西亞未有，所以咪一齊合作開一間特色火鍋店，我堅持冇味精湯底，係我同廚師一齊煲，我仲教佢哋包香港嘅餃子。」龔嘉欣表示平日愛下廚，她擅長中餐。這次開店，龔嘉欣希望給自己一個新挑戰：「係大壓力，但都想試試，希望畀自己成長，做生意真係唔容易，自己生意要親力親為，放唔低，下一站希望可以喺新加坡開。」吳業坤早前在當開劇時曾往撐場。
龔嘉欣今日30歲生日。(IG圖片)
龔嘉欣近日在大馬開了火鍋店。(IG圖片)
坤哥有去店中撐場。(IG圖片)