當年今日
關於我們

  于品海與《明報》劃清界線 - 李八方

蘋果日報 2003/08/13 00:00


一度成為本港傳媒紅人嘅于品海,近年轉戰內地,想建立資訊王國。但佢從前以智才有限公司名義為一筆一億八千萬元貸款作出擔保,後來搞到要上身,就到𠵱家都未解決。明報企業作為債權人,就追咗于少俠好耐。
少俠噚日話,智才已經喺今年三月開始進入清盤程序,𠵱家啲嘢交晒畀律師搞,佢唔係好清楚進展。佢好唔高興傳媒將佢本人拖落水,話件事係智才公司同明報企業之間嘅事,係公司對公司,唔係佢本人俾人追數喎。佢重話呢件事佢都係受害者,自己損失咗幾百萬。于少俠自從冇做《明報》,之後搞咗以台灣為基地嘅傳訊電視,但後來又賣咗。佢話已經好耐冇去台灣,過去三年只係去咗一次食嘢同買書,日後都係主攻大陸市場。



傳真︰2623-9278
電郵︰[email protected]