組合「天堂鳥」今日到灣仔DBC數碼電台訪問，三子今年推出過一張專輯，寄望可以得到新人獎，3人笑言出道至今擺脫騎呢轉型為諧星，希望觀眾接受。

噚日有消息爆黃家強同黃貫中喺Beyond組合時曾為利益不和，天堂鳥齊聲表示:「我哋好一致，唔會為錢拗撬，依家收入唔太多，大家互請食飯，第日邊個跑出收入好，都要顧及其餘兩人，我哋唔會拆夥。」