古天樂早前在柴灣受訪，極速25分鐘內，換了三套衫、完成訪問、影相、拍片，破了add四年來影過100個明星的最快紀錄。影完相，古天樂即時自己搬椅坐定夾咪，一秒鐘也冇浪費，和「唔駛急，最緊要快！」的港產名句，完全吻合。

歷年大大小小訪問，古天樂總不忘提倡團隊精神，投入更是最緊要！「你投入，就會了解到好多嘢！好慶幸我哋香港團隊係比較快捷，所以，必須要投入，先可以達到快捷。」常和中韓台不同地區演員、單位合作，古天樂好自豪港隊「快靚正」的優點，「佢地話，你地香港人真係快到呢~，呢樣真係好難得。」

古天樂在今年暑期檔成為「戲霸」，5部電影輪住上，九月仍有《S風暴》演廉政專員，抽絲剝繭查案。「香港演員為數唔多，其實唔止我一個係鐵膽，好多個都係。」新片講警廉矛盾，主題圍繞賭波操盤案，他坦言少睇波亦不賭錢，電影無飛車、跳樓等動作場面，「ICAC呢，第一件事，如果要領槍，係要申請既；第二件事，佢係有特定程序查案；第三件事，ICAC查案，係以資料搜集為主，所以，題材已經賦予咗部戲的難度。」

更多時尚、美容新聞，即上： http://add.appledaily.com