【更新資料】

今晚(20日)谷草賽事用C跑道，度地儀指數2.7，場地掛牌為好至快地。如天氣情況許可下，將按計劃在第4場後進行壓地。

睇番上季9月21日首次谷草C欄賽事，當時掛牌好至快地及度地儀指數2.7，除了兩場1650米由「風采」及「發明小子」後上贏馬之外，其餘場次由前置馬控制大局，如「馬狀元」一放到底，「大寶庫」、「陀飛輪」及「卡加動力」就守前列貼欄包廂位下建功，故此今戰除了中長途賽外，餘下賽事都要優先留意具前速之馬。

今戰列陣馬中，第五場「歡喜」曾於谷草C欄贏過三場，亦係全場唯一贏過此移欄之參戰馬，憑較佳場地性能有力突圍。另外，第八場「真先生」歷季三捷皆於谷草C欄1200米所得，今次重遇福地，雖然抽12檔起步，但後上馬都唔可以睇小佢。