唔少演員都好驚做奸角，因為怕被觀眾定型，加上觀眾太投入角色嘅話，就會以為個演員喺現實生活中都咁黑人憎，所以唔少演員都好抗拒做反派角色。

而近日韓國一間調查機構就舉行咗最壞螢幕反派角色選舉，同時向逾2,000名觀眾進行問卷調查，當中MBC劇集《我係張寶利》中飾演奸角嘅李宥利就以38.9%嘅得票率，勇奪呢個「最壞螢幕反派角色」嘅冠軍寶座。亞軍得票有25.7%，並由《聽到你的聲音》中鄭雄仁奪得，第三名就係《被告人》中奸到出汁嘅嚴基俊，佢得票率有20%，神劇《來自星星的你》嘅大壞蛋申成祿就有14.2%嘅得票率，排第四位。