韓星李多海喺九龍出席慈善晚宴，捐贈20萬畀救世軍，事前公關話唔可以問整容、男友同屋企等私人問題都唔畀問。問李多海第幾次嚟香港？佢透過翻譯話：「好多次，多到忘記，希望再來，因為有親戚在港，所以時常來，會玩、吃東西及工作。」問佢知唔知有好多韓星嚟香港？佢話唔知，但知道好紅。

咁李多海最近拍緊《HotelKing》辛唔辛苦？佢話：「都好辛苦，要通宵拍攝，不能睡是最辛苦。」拍劇後有乜計劃？佢話：「會去中國，同中國方面合作，但不是拍攝作品，而是與粉絲見面，之後會休息一至兩個月，會去美國，再去其他地方。」不過問到新劇收視同點解捐錢畀救世軍，翻譯都擋駕話唔方便答。