叱咤一時嘅曼聯「92班」傑斯、史高斯、加利尼維利、菲臘尼維利及畢特今日將會到港出席活動，《蘋果》今日和「五小福」獨家專訪，一齊乘坐港鐵東涌線，由香港站到奧運站，傑斯（Ryan Giggs)以代言手機遊戲Ballr身份來港，更在港鐵車廂內一展球技！

五小福一走進港鐵站，已吸引大批粉絲爭相簽名及合照，目測現場有超過50人，五位球星對簽名自拍均來者不拒，非常親民。

傑斯表示自己已非首次來港 ，覺得香港球迷很熱情。問到會否在英國以外再投資興建Hotel Football，他表示，世界其他地方都會考慮，歐洲、亞洲包括中國都會考慮。同時，問到投資生意抑或是踢足球具挑戰性，傑斯就話兩樣都各有挑戰性，各有難處，但表示兩者都非常享受。

Ballr行政總裁Sam Jones表示，遊戲會在8月12日正式在香港上架，玩法像足球經理人，玩家揀選心水球員後，通過現實比賽後便可取得分數，除了英超之外，還包括中超，但港超聯暫時未有。他又透露，上季取得最高分數的球員是阿仙奴的山齊士。

記者：陳新政、黃嘉銘、余曉芸

掌握財經生活資訊，即Like「蘋果ATM」fb專頁啦！
http://fb.com/appledailyatm