少年警訊係香港歷史悠久極具規模、由警隊設立嘅青少年組織，以培養身心健康、關心社會嘅未來領袖，形象一向予人正氣嘅律政司司長黃仁龍原來以前都係少年警訊成員，呢位「皇仁之龍」噚日出席少年警訊滅罪夏令營開幕禮致辭時，自爆喺小學已經係少年警訊成員。
此語一出，獲得在場少訊師弟及師妹的熱烈鼓掌，佢話感受到青年人無限希望同無比幹勁，同佢近日喺報章睇到涉及虐殺同打劫嘅青少年形成強烈對比，身為少訊大師兄嘅佢勉勵青少年要就「體能」、「品格」及「智慧」作好準備，鍛煉意志，拒絕不良嗜好，最重要係以智慧分辨是非對錯，作出合適嘅選擇。
八方認為，警隊應該搵黃司長做少訊名譽會員，相信一定可以吸引更多青少年加入少訊。