阿梅缺席7萬埋單補數
梅媽筵開20圍賀78歲

蘋果日報 2002/03/26 00:00


梅艷芳母親梅覃美金(梅媽)前晚在尖沙嘴慶祝七十八歲生日,筵開二十席,跟梅媽未有交情的陳昭昭和鄭艷麗打扮性感前來賀壽,逗得「壽星婆」十分高興。梅艷芳雖然沒有到場,但她都有送禮物及支付壽宴約七萬元費用。
梅艷芳(阿梅)的母親梅覃美金(梅媽),前晚在尖沙嘴翠園慶祝七十八歲生日,胡楓、盧希萊夫婦、陳昭昭、鄭艷麗和阿梅舊愛林國斌等均有出席壽宴,但阿梅卻沒有到場。梅媽的壽宴筵開二十席,每席約三千五百元,埋單約七萬元。梅媽表示阿梅會為她支付壽宴的費用。

兩女性感搶鏡
鄭艷麗和陳昭昭跟梅媽不稔熟,可是卻出現梅媽的壽宴,原來她們都是應盧希萊的邀請,前來為梅媽祝賀。二人都打扮性感,搶去主人家不少風頭。
陳昭昭給梅媽送上利是做賀禮,她說:「我同梅媽唔熟,之前未見過,係盧希萊請我嚟。我本身好喜歡阿梅,好欣賞佢嘅歌。」鄭艷麗表示最近都有拍電影,但她卻說:「我嘅工作係搵男朋友!」

叮囑愛女惜身
問到梅媽的生日願望,她說:「香港搵到食,大家有得食,冇人失業。」對於阿梅禮到人未到,梅媽說:「佢要為演唱會排舞,叫我唔使等佢。阿梅有送禮物畀我,但係送乜嘢就唔講得。呢次壽宴阿梅畀錢,佢細個食我,大個我食佢囉!」
梅媽又說:「阿梅好忙,錢真係唔易賺,要好好珍惜。佢咁瘦最緊要湯水補氣力,燕窩只係養顏。我都有叫佢唔好掛住做,錢係搵唔晒。我唔心急阿梅結婚,急唔嚟,所有嘢講緣分。」
採訪:李珮洳
攝影:陳慧安