東方龍獅上季在東南亞籃球聯賽（ABL）和甲一失利，今季簽入多位新兵，射手梁嘉顯便是其中之一。這位19歲小將為追籃球夢放棄學業，直言能專注做自己喜歡的事，感覺神奇。

梁嘉顯2017年仍效力乙組黃大仙長風，同年帶領男拔萃在九龍區D1學界賽、精英賽及學界籃球馬拉松盡攬三冠，上季初次在甲一亮相，助標準福建以第六名完成賽季，這位表現出色的射手今季更加盟東方，成為職業球員。其實梁嘉顯年大有機會升讀中大學位課程，但他深思熟慮後決定為追夢放棄學業︰「上季完後諗咗個幾月，打籃球係呢刻最想做嘅事，決定咗打職業就放棄個degree。」他亦笑言未有想像自己在19歲便能成為職業球員：「冇諗過咁快（打職業），由細到大被人灌輸嘅觀念都係讀書先，冇諗過完全唔讀書去做自己鍾意嘅事。當呢件事嚟到，個感覺係好神奇。」

成為職業球員後，梁嘉顯的生活習慣亦有所調整，但已慢慢適應：「做一個職業球員要好自律，一開始都辛苦嘅。」雖然到藍軍後要從零開始，但梁嘉顯勇於接受挑戰︰「目標係爭取出場時間，無論攻定守都希望幫到球隊。」
記者：許嘉明