【拆 局】
警務處處長盧偉聰昨出席青年活動時，大批記者追問警務人員集會醜聞，他一概充耳不聞。作為警隊之首的盧偉聰自本月18日學警結業禮回應七警事件後，至今再未有就3.3萬人警方「集會」訴求、民間要求警隊道歉及猶太人論公開親口回應。多名來自不同職級的警務人員批評，盧在處理今次警隊危機表現軟弱，形容「一哥」目前處境兩面不是人。
來自不同職級的警務人員不滿盧偉聰處理今次警隊危機表現，「佢早前同傳媒講一個同事犯案都好傷心，又話對七警被判囚兩年心情非常沉重，『會同同事一齊面對、一齊克服』，我哋真係好想問吓一哥『你傷心完未？跟住你會點做？』我哋唔係要冠冕堂皇嘅說話，我哋要部門實質支持！」

「佢個個都唔想得罪」

據了解，在今次七警事件中，警隊職方多次要求警隊高層「站喺職方立場」，公開支持就侮辱公職人員罪立法，「一哥如果唔獲得3萬名夥計支持，佢就好難繼續做落去」。但另一方面，社會輿論大多認同法庭對七警的刑罰，亦對警隊公開支持犯法的同袍十分反感。有資深警官指盧風格是希望做到面面俱圓，與前任一哥曾偉雄的強硬鷹派風格有別，「佢（盧偉聰）個個都唔想得罪，咪搞到兩頭唔到岸，兩面不是人」。
■記者謝明明